سوشيال ميدي للمبتدئين

اللعب فى الدماغ
اول درس فى ?#‏لعبة_السوشيل_ميديا? ?#‏تعليم_السوشيل_ميديا_للمبتدئين?

دول 12 نقطة لازم يلعبوا فى دماغك وتفكر فيهم قبل ما تبدء تتعلم اى شئ :-

1 - اخيرا هتشتغل فى السوشيل ميديا احنا بتوع like , share , comment
هنقعد شويه على الفيس وشويه على تويتر وهناخد مرتب , دى كانت اول حاجه
اتكتبت فى الكتاب العظيم مذكرات مغفل حضرتك لما تشتغل فى السوشيل ميديا
هتبقى قمة راحتك وسعادتك هى اللحظات الى هتقدر تبقى فيها اوف لاين ومش
مجبر انك تبقى قاعد على النت (انسى فكرة ان الشغلانه دى مريحه لو بتبحث عن
الراحه خدها من قصرها وانفد بجلدك )

2 السوشيل ميديا مش شوية بوستات بتنزل على بيدج او لينكات بتاخدها من موقع
وتنشرها على اكونت فى تقنيه اسمها "rss" ممكن تنشر كل شئ اوتوماتيكك لا بتاخد
فلوس ولا بتاخد اجازه الى بيميزك ويخلى حد يدفعلك فلوس انك مسوق ولست ناشر
وان عنده اهداف ورغبات ( العميل) بتعمل على تحقيقها وفق استراتيجيه وخطة عمل

3 لو انت فاشل فى ادارة الاكونت الشخصى الخاص بيك ابعد عن المجال ده خالص
مش هتنفع فيه نجاحك فى التسويق يبدء من قدرتك على التسويق لنفسك
( علشان كده بحاول ادير الاكونت الشخصى بتاعى دلوقتى مش هيبقى باب النجار مخلع )

4 emgagement (التفاعل داخل الصفحه او الحساب ) مش دايما هو معيار نجاح الاهم
توصل لاهدافك التسويقيه يعنى لو انت بتسوق لمنتج غالى جدا مستهدف فئه معينه
ولنفترض فئه الاثرياء ودخل عندك فى البيدج 10 الاف من متوسطى الدخل وعملوا تفاعل
عالى جدا على البيدج لكن محدش اشترى خالص انت كده فشلت فى انك تحقق اهدافك
بالرغم ان الصفحه شكلها بيقول انك ناجح ومكسر الدنيا

5 هتلاقى ناس كتير وصفحات كتير بتساعدك وبتنشر معلومات قيمه جدا خاصه بمجال التسويق
والسوشيل ميديا وتقعد تتعب نفسك وتفكر ايه المقابل وبيعملوا كده ليه ياااااه الدنيا لسه فيها خير ,
اه لسه فيها خير طبعا بس هما بيسوقوا لنفسهم وبيبنوا لنفسهم براند فى المجال وبيحاولوا يكبروا
اسمهم زى ما انا بعمل دلوقتى كده وده الى بيقولوا عليه ( Inbound Marketing ) انك تقدم خدمات
كتير بدون مقابل مادى لكن ليها عائد معنوى الان ويتتحول لعائد مادى فى المستقبل

6 متضيعش وقت فى فكرة المسمى الوظيفى ليك فى البدايه احب اعرفك انت بتاع كله سوشيل ميديا
 اكيد seo ماشى مدخل بينات مفيش مانع كاتب محتوى ميضرش وممكن تعمل للناس الى معاك فى المكتب
 شاى فى وقت فراغك , هى اه مطحنه فى البدايه بس هتستفاد جدا وتلم كمية خبرات ومعلومات متميزه
هتساعدك فى المستقبل

7 بيقولوا بتوع طب يا عينى بيفضلوا طول عمرهم يذاكروا لان الطب كل يوم بيتغير انسف الفكره دى السوشيل
ميديا والتسويق الالكترونى كل ربع ساعه تحديث لازم تفضل طول عمرك تذاكر علشان تفضل متميز وشاطر .
ده انت هتشوف ايام smile emoticon

8 السوشيل ميديا 50 % علم و50 % ابداع وفكر , ابداع من غير علم مش هتعرف تمتلك الادوات الى تساعدك
على النجاح , علم من غير ابداع مش هتقدر تستخدم الادوات بشكل جيد يوصلك للنجاح

9 لازم تتابع اكبر عدد ممكن من الصفحات وتشوف الناس بتدير الصفحات ازاى وايه الافكار الجديده
والمنافسين بيشتغلوا ازاى ومفيش مشكلة انك تاخد فكره وتعمل شئ شبيه بيها الاهم انك تستخدم
الفكره فى موضعها المناسب مش تقليد وخلاص ده مش معناه انك متفكرش او ان فكرك كله يبقى
جوه الصندوق لا ده لو انت تقدر تنسف الصندوق نفسه انسفه (نسف الصندوق دى وخدها من shereen_words# )
 وحاول تستفاد من افكارك وافكار الناس والاهم تحقق اهدافك وتحل المشاكل الى هتواجهك

10 "اوعى تدوس enter" "اوعى تدوس enter " لازم تنسى المفتاح ده خالص لازم تراجع كل حرف بتكتبه
مره واتنين لازم تقيم الى هتنشره من كل النواحى قبل ما تدوس enter لو مستهون بالموضوع احب اعرف
ان فى الكيبورد حرف "ص" جنب "ض" لك ان تتخيل لو غلط وانت بتكتب فى بوست كلمة "عرض خاص "
كل سنه وانت طيب بمناسبه الحفله الى هتتعمل عليك فى اليوم ده

11 لما تتعلم وتبقى خلاص قادر تشتغل وجالك اول عميل متعملش البحر طحينه لانه بكل بساطه
هيجبلك علب بلاستيك ويقولك املاها طحينه اوعده باقل من الى هتقدر تعمله لحد ما تاخد الخبره
واقبل مقابل اقل من الى كنت متوقعه بس مش اقل قوى يعنى لان الاهم تشتغل كتير علشان
تاخد خبرات اكبر واغلى بكتير من المقابل الى هتخده وتقدر تحقق الاهداف الى وعدت بيها

12 مش بين يوم وليله هتبقى Shereen Badr او Kareem Samara او Eslam Roshdy او
Mohamed elsherif@ Ramy Ibrahim Mohamed او Radwa Shawky بس اكيد لو فضلت
مصمم على انك تتعلم اكتر وتطور من نفسك دايما اكيد هتبقى زيهم (ايه رائيك فى الحته الصايعه
دى بعملهم مينشن يمكن يعملوا شير ولا حاجه )

واخيرا " 5 لو "
لو فى حد قالك عاوز اتعلم سوشيل ميديا وانت معندكش وقت تشرحله من الاول خالص اعمله مينشن
لو البوست عجبك اعمله شير
لو البوست وحش حط كومنت وقولى ايه الى مش عجبك
لو فى حاجه كاتبها غلط ابعتلى تصحيحها عادى كلنا بنتعلم من بعض
لو لو لو لو ( اهداء لروح الفنان محرم فؤاد )

?#‏سوشيل_ميديا?
?#‎social_media?

المصدر
https://www.facebook.com/mohamed.elgammal21210/posts/10153148837449056?fref=nf